Pipila ka mga kasabutan ang gihisgutan sa pagbisita ni British Prime Minister Keir Starmer sa nasod sa China.
Personal kining nakigtagbo kang Chinese President Xi Jinping diin usa sa mga kasabutan ang pagtugot sa mga lungsoranon sa Britanya (British citizens) nga makabiyahe sa China sulod sa 30 ka adlaw nga wala nay gikinahanglan nga visa.
Lakip usab niini ang pagpakunhod sa buhis sa mga whisky gikan sa UK diin gikan sa kaniadto nga 10 porsyento, himoon na lang kini nga lima (5) ka porsyento. Tinguha sa kagamhanan sa Britanya nga mapalig-on ang ilang relasyon sa ekonomiya uban sa China.
Si Starmer ang labing unang lider sa Britanya nga mibisita sa China sulod sa walo ka tuig.
Photo courtesy: BBC
