Nanawagan ang Red Cross Zamboanga Sibugay Chapter pinaagi ni Mr. Keanrick Tan nga mosalmot sa blood letting ugmang adlawa 31, sugod alas 10 sa buntag hangtud alas 3 sa hapon, sulod sa Gaisano Grand Mall ZAMBOANGA SIBUGAY .
Gimugna ang kalihokan aron matubag ang kakulangan sa supply sa dugo ug masuportahan ang mga pasyente nga nagkinahanglan sama sa mga pasyenteng nagdialysis, chemoteraphy, mga nadisgrasya ug uban pa dili lang sa sibugay kon dili sa tanang nanginahanglan. Target sa maong ahensya nga makakolekta og 30 hangtud 50 ka bags sa dugo nianang higayona.
Gipahibalo nga ang kwalipikadong donor kinahanglan 18-anyos pataas, apan kung adunay 17- anyos, tugutan kung naa’y consent sa ginikanan ug himsog ang lawas.
Gidasig ang katawhan nga mosalmot ug modonate sa kinasing-kasing aron makatabang nga makaluwas og kinabuhi sa uban.
Photo Courtesy:Freepik
