Nadakpan sa mga otoridad ang usa ka indibidwal sa gipatumang Search Warrant Operation sa Brgy. Badas, Mati City, Davao Oriental niadtong nakalabay nga adlaw.
Ang operasyon malampusong gipahigayon sa mga personahe sa CIDG–Davao Oriental PFU kauban ang Mati City Police Station, 15th SAC, 1SAB PNP-SAF ug RIU PIT Oriental nga nagresulta sa pagkasikop sa usa ka lalaki.
Atol sa operasyon nasakmit gikan sa suspetsado ang lima (5) ka dagkong sachet gituohang shabu nga gibana banaang motimbang sa kapin 120 gramos ug adunay Standard Drug Price nga Php 1,440,000.00.
Samtang ang mga nakumpiskang mga ebidensya gimarkahan ug giimbentaryo dayun sa lugar sa nahitaboan uban sa mga testigo ug sa suspek mismo.
Sa kasamtangan ang dinakpan anaa na sa kustodiya sa Mati City Police Station alang sa tukmang disposisyon ug mag atubang sa kasong paglapas sa RA 9165 (Comprehensive Dangerous Drugs Act of 2002).
Photo Courtesy: Mati City Police Station
