Nisangko sa grabe nga trapiko ug kalit nga pagdagsa sa mga bisita ang panawagan sa usa ka 20-anyos nga babaye human siya nangayo og tabang sa social media aron ihawon ang duha ka baboy para sa tradisyonal nga handaan sa ilang baryo.
Si Daidai, nanawagan sa Douyin kay tigulang na ang iyang inahan ug dili na kaya moihaw sa baboy. Isip baylo, nisaad siya og libre nga kaon sa bisan kinsa nga motabang.
Sulod lang sa usa ka adlaw, miabot og kapin usa ka milyon ka likes ang post ug nakaengganyo og libuan ka tawo gikan sa nagkadaiyang parte sa China. Tungod sa kadaghan sa nangabot, nag traffic ang mga dalan ug daghan ang napugos maglakaw na lang tungod sa trapiko.
Midonar pa og dugang baboy ang lokal nga gobyerno ug nagbutang og outdoor seating aron ma-accommodate ang tanang bisita. Ang handaan gi-live stream ug nakaabot og kapin 100,000 viewers ug 20 milyon ka likes.
Sa duha ka adlaw nga selebrasyon, kapin 2,000 ka tawo ang nakaon. Nagpasalamat si Daidai sa publiko ug lokal nga opisyal sa ilang tabang.
Photo Courtesy: South China Post
