Giangkon ni Ukraine President Volodymyr Zelensky nga nagkulang na sila sa air-defense supplies tungod sa padayon ug sunod-sunod nga mga pag-atake sa Russia.
Matod pa ni Zelensky, tungod sa walay hunong nga missile ug drone strikes sa Russia, halos nahurot na ang ilang mga pangontra sa mga pag-atake sa kahanginan.
Tungod niini, nanawagan ang lider sa Ukraine sa tabang sa ilang mga kaalyadong nasod aron mapalig-on ug mapalapad pa ang ilang air-defense capability.
Mahinumduman nga mas gipakusog pa sa Russia ang ilang opensiba batok sa Ukraine, nga nakaigo sa nagkalain-laing pasilidad ug imprastruktura sa maong nasod.
Photo Courtesy:Texas Republic
