Patay ang usa ka Kapitan ug kauban niining CAFGU, human kining gipusil sa Sitio Butterfly, Barangay Malibatuan, Arakan, Cotabato, alas 10:25 sa buntag niadtong adlawng Sabado Enero 17, 2026.
Sa taho sa Arakan Municipal Police Station, giila ang mga biktima nga sila Malibatuan Barangay Chairman Jerry Bondad Prande ug kauban niini nga si Gemar Caro Prande.
Sa imbestigasyon sa awtoridad, sakay sa motorsiklo ang mga biktima dihang gipusil kini sa unom ka mga suspek nga sakay sa tulo ka motorsiklo. Nakahiagom og samad pinusilan sa ulo si Kapitan Jerry nga miresulta sa iyang hinanaling kamatayon.
Samtang, dali usab nga nisibat ang mga suspek human sa insidente. Sa kasamtangan, padayon pa ang ang imbestigasyon sa Arakan PNP aron masuta ang motibo sa pagpamusil lakip na ang posibleng pag-ila sa mga suspek.
