Napakyas ang Sugbuanong boksidor nga si Rodex “The Tank” Piala sa iyang tinguha nga makuha ang laing rehiyonal nga korona human siya mapildi pinaagi sa fourth round knockout batok kang Liam Wilson, ang WBO International super featherweight champion, sa Brisbane Entertainment Centre.
Mihatud og makusog nga body punch nga hingpit mipatumba kang Piala ang 29-anyos nga si Wilson sa katapusang upat ka segundo sa ikaupat nga hugna. Human sa away, miingon si Wilson nga lisod atubangon ang Sugbuanon apan nakab-ot gihapon niya ang kadaugan.
Pinaagi sa maong kadaogan, miinat ang rekord ni Wilson ngadto sa 18-3 uban ang 10 knockouts, ug nagpahayag siya sa tinguha nga makig-rematch sunod sa Meksikanong si Emmanuel Navarrete, ang reigning WBO junior lightweight champion.
Nakaangkon si Piala sa iyang ikaduhang kapildihan sa ika 14 ka propesyonal nga away, ug una pa lamang usab kini niya nga pildi pinaagi sa knockout.
Photo Courtesy:Champinon.info
