Gisuspende sa Estados Unidos ang pagproseso sa immigrant visas gikan sa 75 ka nasud, lakang nga giangkon ni Presidente Donald Trump aron malikayan ang pag-abuso sa sistema sa immigrasyon ug pagpugong sa mga langyaw nga posibleng manginahanglan og welfare ug public benefits.
Gisulti sa State Department nga ang suspendido nga proseso magpadayon samtang gi-review ang mga pamaagi sa pagproseso sa immigrant visas. Apil sa mga nasud nga naapektuhan ang Somalia, Russia, Iran, Brazil, Egypt, ug Thailand, bisan wala pa gipagawas ang kompletong lista.
Ang aksyon dili makaapekto sa tourist, business, ug uban pang non-immigrant visas, lakip na ang mga fan nga gustong moapil sa World Cup, apan giingon nga susihon ang social media histories sa tanan nga aplikante.
Gisulti usab sa State Department nga kapin sa 100,000 ka visa ang narevoke sukad sa pagbalik ni Trump sa pwesto, samtang ang Department of Homeland Security nag-ingon nga kapin sa 605,000 ka tawo ang na-deport ug 2.5 milyon ang mibiya sa ilang kaugalingong desisyon.
Photo Courtesy: PBS
