Gidid-an sa Philippine Coast Guard Zamboanga del Sur ang tanang mga deboto sa pagdala sa mga hait nga hinagiban atol sa pagpahigayon sa Concelebrated Dawn Mass sa may Wharf Area, Barangay Santiago, Pagadian City, karong adlaw’ng Sabado, Enero 17, 2025.
Kini subay sa giluwatan nga pamahayag ni LCDR Vincent Bryan M. Marcos, Station Commander sa PCG Zamboanga del Sur atol sa pakighinabi sa Juander Radyo News Team ning bag-o.
Gisaysay ni LCDR Marcos, nianang adlawa dili lang ang presensya sa PCG ang mobantay sa seguridad sa pantalan apan naa usab ang presensya sa ubang unit sa kapulisan aron mahimong hapsay ang pagpahigayon sa Concelebrated Dawn Mass.
Lauman ang libuang mga deboto nga mudagsa sa pagpahigayon sa Concelebrated Dawn Mass gumikan kay naandan na kining kalihukan isip usa sa mga highlights sa pagsaulog sa Pasalamat Festival matag tuig.
Kahinumduman sa nakalabayng tuig 2025, sobra sa tres mil nga nga deboto ang midagsa aron mosaksi sa misa ug sa pagpahigayon sa pagparada sa mga sakayang pandagat sa kadagatang bahin atubangan sa Pantalan, Pagadian City.
