Sugdan na sa pagpatuman ang Measles Rubella Supplemental Immunization Activity (MR-SIA) alang sa mga kabataan sa lalawigan sa Zamboanga del Sur karong adlaw’ng lunes, Enero 19, 2026.
Ang kalihukan pagapasiugdahan sa Department of Health (DOH) pinaagi sa Integrated Provincial Health Office (IPHO) Zamboanga del Sur uban sa matag Local Government Unit (LGU).
Target nga bakunahan ang mga bata nga nag-edad ug unom ka bulan hangtud sa 59 ka bulan o ang mga bata nga wala pa mitangkod sa 5-anyos nga pangidaron.
Molungtad ang MR SIA sa Pebrero 13, 2026 nga target magbakuna sa kinatibuk-ang 179,498 ka mga kabataan nga nag-edad sa 6-59 months.
Ang kinatibuk-ang ihap milangkob sa 11,454 sa nag-edad ug 6-12 months, 17,323 sa nag-edad ug 13-23 months, 60, 972 sa nag-edad ug 24-59 months ug 89, 749 sa nag-edad 6-59 months.
Sa tuig 2026, ikaduha maglusad ang DOH sa Measles-Rubella Supplemental Immunization Activity (MR SIA) aron ang tanang mga bata mabakunahan kontra Tigdas.
Alayon niini, panawagan sa IPHO Zamboanga del Sur ngadto sa tanang mga ginikanan sa pagtahan sa pagpabakuna sa ilang mga anak atol sa MR SIA Campaign.
