Pirmado na sa Pilipinas ug United Arab Emirates ang unang free trade agreement nga nagtumong sa pagkunhod sa taripa, pagpalapad sa merkado, pagdugang sa pamuhunan, ug pag-abli og mas daghang oportunidad alang sa mga Pilipinong propesyonal ug service providers sa UAE.
Gisaksihan ni Presidente Ferdinand Marcos Jr. ug UAE President Sheikh Mohamed bin Zayed Al Nahyan ang pagpirma sa Comprehensive Economic Partnership Agreement sa sideline sa Abu Dhabi Sustainability Week 2026 Summit. Ang CEPA mao ang unang free trade pact sa Pilipinas uban sa usa ka nasod sa Middle East.
Sumala sa inisyal nga pagtuon, posibleng mosaka og 9.13 porsiyento ang exports sa Pilipinas padulong sa UAE. Lakip sa makabenepisyo ang mga produkto sama sa saging, pinya, canned tuna, electronics ug makinarya, ingon man ang IT-BPM, turismo, healthcare, edukasyon, konstruksyon ug professional services sectors.
Sa 2024, miabot og hapit 1.83 bilyon dolyar ang trade tali sa Pilipinas ug UAE, nga nagbutang sa UAE isip ika-18 nga pinakadakong trading partner sa nasud. Gawas sa CEPA, gilauman usab ang pagpirma sa usa ka defense agreement tali sa duha ka nasod.
Photo Courtesy: UNTV
