Nagplano ang Department of the Interior and Local Government (DILG) nga magtukod og online portal diin pwede i-report sa publiko ang mga “epal” nga politiko — mga opisyal nga gamiton ang government projects aron ipromote ang ilang ngalan o litrato.
Gisulti ni Remulla nga dali ra nila makita ang posts sa mga politiko sa social media ug plano nila magtukod og portal aron pwede i-report sa publiko ang sobra nga “epal” nga aksyon.
Sumala sa 2026 General Appropriations Act, bawal sa mga politiko nga gamiton ang government cash aid o bisan unsang proyekto para ipromote ang ilang personal nga brand. Kung adunay violations, ang publiko puwede mo-post sa Facebook ug pwede dayon imbestigahan sa DILG.
Giingon pa ni Remulla nga ang anti-epal nga kampanya nagsalig sa aksyon sa mga tawo. Ang DILG pwede magpahamtang og administratibong silot sama sa suspension. Kung balik-balik ang sala sa usa ka local chief executive, pwede kini ipadala sa Ombudsman para sa administratibo o kriminal nga kaso.
Apan pagklaro ni Remulla nga ang reklamo batok sa “epal” nga politiko dili magpasabot nga pwede sila tangtangon sa opisina. Ang removal from office kasagaran base sa graft o grabe nga violations, samtang ang suspension giila nga grabe na nga silot.
Gisugyot usab niya nga panahon na para ang Kongreso maghimo og balaod nga modili sa mga politiko sa paggamit sa government projects para ipromote ang personal nga brand. Ang Anti-Epal campaign namugna gikan sa kasuko sa publiko sa miaging 15 ka tuig apan wala pa kini codified nga polisiya.
Photo Courtesy: Politiko
