Hingpit na nga nangandam ang Philippine Sports Commission (PSC), alang sa nasud sa pag-host sa Womens Tennis Association (WTA) 125, nga ipahigayon sa Rizal Memorial Sports Complex.
Matod ni PSC Chairman Patrick Gregorio, 80 porsiyento na nga andam ang venue. Adunay pipila na lamang ang pag-ayo sa mga court nga gamiton, sama sa pagbutang og dugang nga suga ug pagpintal.
Nipahigayon usab ang Philippine Tennis Association, og pipila ka mga dula aron sutaon kung unsa pa ang gikinahanglang improvement sa maong court.
Gawas kang Alex Eala, gihatagan usab og wildcard si Tennielle Madis sa M’lang, Cotabato aron makadula sa maong torneyo.
Ang partisipasyon ni Eala magdepende sa iyang performance sa Australian Open. Ipahigayon ang WTA 125 gikan sa Enero 26 hangtod 31, 2026.
Photo Courtesy:Philippine News Agency
