Magpagawas ang state-owned Land Bank of the Philippines (Landbank) og kapin sa Php5 bilyon karong tuiga pinaagi sa sustainability bonds aron pondohan ang mga proyekto sa agrikultura, kanaiyahan, ug sosyal nga kaayohan sa tibuok nasud.
Gitawag kini nga Agriculture, Sustainability, Environment and Socioeconomic Development (ASENSO) Bonds, nga maglangkob sa peso-denominated, fixed-rate ASEAN Sustainability Bonds nga adunay 1.5 ka tuig ug tulo ka tuig nga tenor. Magamit ang mga bonds sa publiko sugod Enero 28 hangtod Pebrero 6 pinaagi sa mobile banking app sa Landbank, nga adunay minimum investment nga Php10,000, ug sunod-sunod nga Php10,000. Plano usab sa Landbank nga i-lista ang bonds sa Philippine Dealing & Exchange Corp. (PDEx) sa Pebrero 16.
Sumala sa Landbank, ang pondo gikan sa ASENSO Bonds igahin lamang sa mga eligible nga green projects sama sa renewable energy, energy efficiency, green buildings, clean transport, sustainable water management, ug pollution prevention. Suportado usab ang mga social projects nga naglangkob sa food security, affordable housing, health, education, access sa basic services, employment generation, ug ubang programa alang sa sosyo-ekonomikanhong kalamboan.
Matod ni Landbank President ug CEO Lynette Ortiz, ang ASENSO Bonds nagtanyag og oportunidad sa mga investor nga makakita og kompetitibo ug fixed nga returns samtang makatabang sa mga proyekto nga makabenepisyo ang komunidad ug ang kinaiyahan. Sa katapusan sa Oktubre niaging tuig, naka-disburse na ang Landbank og Php176.48 bilyon sa sustainable finance loans, samtang ang total assets misaka og 1.32% ngadto sa Php3.45 trillion, ug ang total loan portfolio niabot sa Php1.70 trillion.
Photo Courtesy: www.landbank.com
