Nadiagnose ang tulo ka anak ni kanhi Sex Bomb Dancer Sunshine Garcia og Hand, Foot, and Mouth Disease (HFMD) atol sa miaging holidays, hinungdan nga nabalaka ang ilang pamilya ilabi na kay dungan silang nagpakita og mga sintomas sa maong sakit.
Sumala sa impormasyon, sa wala pa ang Pasko nadayagnos ang mga bata nga adunay HFMD, apan maayo na lang kay samtang nagbakasyon sila sa balay uban sa ilang pamilya nagsugod ang mga sintomas, hinungdan nga nabantayan dayon ang ilang kahimtangan.
Matod pa ni Sunshine, nagduha-duha siya sa pagpa-ambit sa maong kasinatian sa social media, apan iyang gipili nga ipahibalo kini aron makahatag og kahibalo ug pahimangno sa ubang mga ginikanan mahitungod sa maong sakit nga kasagaran motakod sa mga bata.
Samtang, giingon sa pediatrician sa mga bata nga nilungtad og duha ka semana ang sakit ug sa pagkakaron maayo na ang ilang kahimtangan.
Dugang pa ni Sunshine, wala pa siya mahibalo kon asa nataptan ang iyang mga anak, ilabi na kay usa ra sa tulo ka bata ang nag-eskwela.
Photo Courtesy: Strongradio.net
