Arestado sa kapulisan sa Talaingod Municipal Police Station (MPS), uban ang nagkalain-laing operatiba sa Davao Norte Police Provincial Office (DNPPO), ang usa ka lalaki nga gikonsiderang wanted person nga gipahigayon niadtong nakalabay nga adlaw.
Giila ang nadakpan nga mao si Arturo Guayan, 38-anyos, lalaki, laborer, ug residente sa Purok 22, Barangay Ising, Carmen, Davao del Norte.
Siya nadakpan diha sa maong lugar pinasikad sa Warrant of Arrest nga giisyu ni Honorable Celestial Velarde Aranda-Gonzales, ang Presiding Judge sa Regional Trial Court, 11th Judicial Region, Branch 1, Tagum City, nga may petsa niadto pang Pebrero 15, 2024.
Ang suspetsado giakusahan sa paglapas sa Section 68 sa PD 705 o “Revised Forestry Code of the Philippines nga nailhan usab isip Revised Forestry Code of the Philippines, diin naghisgot sa ilegal nga pagputol, pagkuha, pagpanag-iya, ug pagbaligya sa kahoy kon illegal logging nga adunay girekomendang piyansa nga Php 16,000.00.
Sa pagkakaron, ang dinakpan anaa na sa kustodiya sa estasyon sa kapulisan alang sa hustong lakang.
Photo Courtesy: Indiaspend
