Daghan kanato ang ganahan kaayo og matulog, apan kahibalo ba mo nga ang permi nga pagkatulog o sobra nga tulog mahimong makaapekto sa sex performance?
Sumala sa mga eksperto sa panglawas, ang sobra nga tulog mahimong makaubos sa lebel sa enerhiya sa lawas, makaguba sa balanse sa hormones, ug makapahinay sa sirkulasyon sa dugo.
Kini nga mga butang importante kaayo aron mapadayon ang maayong sexual performance sa lalaki ug babaye.
Kung ang usa ka tawo magsige og katulog ug kulang sa aktibong lihok, posible nga mobati siya og kakapoy bisan bag-o pa matulog, maminusan ang gana, ug mosamot ang stress ug depresyon nga direktang makaapekto sa sexual desire ug performance.
Matod pa sa usa ka health specialist, mas maayong sundon ang sakto ug regular nga oras sa katulog, kasagaran pito hangtod walo ka oras kada gabii.
Importante usab ang ehersisyo, husto nga pagkaon, ug paglikay sa bisyo sama sa sigarilyo ug sobrang pag-inom og alkohol.
Busa mga kajuander, hinumdumi dili lang kulang sa tulog ang delikado, apil usab ang sobra nga tulog. Ang balanse nga lifestyle mao gihapon ang yawi sa maayong lawas ug maayong sexual health.
Photo Courtesy: Medical News Today
