Misamot ug mikaylap karon ang nagpadayon nga mga kilos-protesta sa Iran. Nagsugod ang maong mga protesta, hapit duha ka semana na ang milabay tungod sa pagkunhod sa ekonomiya sa Iran.
Sumala sa Human Rights Activist News Agency, misaka na sa 48 ka tao ang namatay tungod sa mga kagubot nga nalambigit sa mga protesta.
Gikumpirma usab sa gobyerno sa Iran nga ilang giputol ang suplay sa internet aron mapugngan ang pagpakaylap sa impormasyon ug mga panghitabo sulod sa nasod.
Sukad sa pagsugod sa mga protesta niadtong Disyembre 28,2025 sa Tehran, mikatag na kini sa laing 16 ka mga lungsod.
Nagpasidaan usab si US President Donald Trump nga manghilabot ang Estados Unidos kon mosamot pa ang kahimtang sa Iran
Photo Courtesy: The Battlelines with Owen Jones
