Pursigido ang aktor nga si Rocco Nacino nga kasuhan ang iyang kanhi empleyado nga matod pa mikawat sa kwarta sa iyang negosyo nga Dino Crew PH.
Sumala kang Rocco, nahitabo ang insidente niadtong bulan sa September ug hangtod karon wala pa gyud mabalik ang kwarta bisan daghang higayon na niya kini gihatagan og higayon.
Bisan wala niya gipadayag ang eksaktong kantidad, giingon niyang five digits kini ug dako na usab nga kawad-on alang sa usa ka negosyo.
Sa wala pa matapos ang tuig, personal nga miduol si Rocco sa barangay sa Caloocan diin nagpuyo ang maong empleyado aron pormal nga ireklamo ang nahitabo. Giingon sa aktor nga misalig siya ug gihatagan og katungdanan ang empleyado sa pagdawat sa cash payment sa kliyente, nga gisaad nga ideposito apan wala matuman.
Human sa tulo ka bulan nga walay balita, matud pa gi-ghost na siya sa maong empleyado.
Samtang nagkaatubang sila sa balay sa gireklamo ug mipasalig kini nga mobayad, apan hangtod bulan sa December wala gihapon matuman ang saad.
Photo Courtesy: Youtube
