Gipalig-on sa Department of the Interior and Local Governmen -DILG Iligan ug LGU-Iligan ang partnership alang sa usa ka konkretong lakang aron mapaabot ang malungtarong kalinaw ug reintegrasyon sa syudad. Nunot niini, ang DILG Iligan opisyal nga nagtugyan sa pondo ngadto sa Local Government Unit sa Iligan City alang sa pagtukod sa usa ka Halfway House alang sa mga Former Rebels (FRs).
Gidawat ang tseke ni Iligan City Mayor Frederick W. Siao, nga nagtimaan sa usa ka dakong lakang sa implementasyon sa Enhanced Comprehensive Local Integration Program kun (E-CLIP).
Ang maong pasilidad maghatag og luwas nga transitional environment, nga magsuporta ug maghatag og kalig-on sa mga FRs samtang sila nag-reintegrate sa komunidad ug nagsugod sa ilang panaw padulong sa malinawon ug produktibong kinabuhi.
Kini nga inisyatiba nagpakita sa lig-on nga panaghiusa ug kooperasyon tali sa nasyonal ug lokal nga mga ahensya sa pagtuman sa kalinaw nga agenda sa administrasyon.
Gidayeg usab sa DILG ang amahan sa syudad tungod sa makanunayon ug lig-on nga paningkamot sa pagsuporta sa maong programa.”
Sumala sa mga opisyal, dili lang usa ka istruktura ang gitukod, kondili bag-ong kinabuhi ang gipalig-on, ug gipatindog ang pundasyon sa usa ka malinawon, naghiusa, ug progresibong Iligan.
Photo courtesy to: DILG-Iligan
