Regular ang gipahigayon ang inspeksyon sa Office of the Building Official (OBO)-Cagayan de Oro sa mga boarding houses sa syudad aron nga masuta kung nasubay ba sila sa mga palisiya sama sa Building Code.
Sumala pa ni Engr Helen Tadena, Processing and Evaluation division-in charge nga matag tuig silang naga-inspeksyon sa mga boarding house sa syudad atol sa bakasyon sa mga estudyante o ayha magbalik ang klase.
Sagad gina check sa OBO-CDO sa mga boarding house kung lig-on ba ang structural integrity, fire safety, sanitation, electrical systems, ug occupancy limits.
Kini aron na sab masiguro ang kaluwasan sa mga nag-abang sa mga boarding houses, labi pa nga sagad niini gikan sa mga residential ug igo nalang gi-convert ngadto sa mga giabangan nga boarding house.
Samtang lahi sab nga team gikan sa OBO-CDO ang nagapahigayon og inspeksyon sa mga pampubliko ug pribadong mga instruktura o buildings nga tinuig nga ginapahigayon.
Photo courtesy: Office of the Building Officials-Cagayan de Oro
