Gipaambit sa prodyuser ug abogado sa pelikula nga si Atty. Joji Alonso ang bahin sa kasinatian sa iyang anak nga actor nga si Atty. Nico Antonio, human makapasar sa bar examinations.
Sa Instagram post, giangkon ni Joji nga wala gyud niya damha nga mahimong usa ka hingpit nga abogado ang iyang anak.
Matod niya, bisan og nigradwar si Nico sa law school niadtong 2014, gibalik-balik niya ang pag-postpone sa pagkuha sa bar exams tungod sa sunod-sunod nga mga proyekto sa telebisyon ug pelikula.
Gipasabot niya, nga samtang naila si Nico isip artista hangtod nga nakatukod siya og kaugalingong pamilya, matod pa niya nga nahimong idlas ang priority ni Nico sa pagkuha sa bar exams.
Tulo na ka tuig ang milabay dihang nipadayag na usab si Nico sa iyang determinasyon nga tapuson ang iyang nasugdan. Matod ni Joji, nakita niya ang dakong tinguha sa iyang anak nga mabuntog ang iyang naagian sa iyang pagtungha.
Photo Courtesy: Fashion
