Arestado ang usa ka Top 1 Most Wanted Person Municipal Level gumikan sa kasong Frustrated Murder atol sa gikasang law enforcement operation sa Poblacion Dinas, Zamboanga del Sur, niadtong nakalabay nga adlaw.
Wala na pangalani sa PNP Dinas ang dinakpan nga 38-anyos lalaki, usa ka mag-uuma ug residente sa lugar.
Ang pagdakop gihimo pinasikad sa gahom sa Warrant of Arrest nga gibitbit sa mga kapulisan sa Dinas Municipal Police Station, uban ang 2nd Zamboanga del Sur Provincial Mobile Force Company ingon man sa Zamboanga del Sur Provincial Intelligence Unit.
Ang warrant of arrest giisyu sa Presiding Judge of RTC 9th Judicial Region Branch 29, San Miguel Zamboanga del Sur nga pinetsahan kaniadtong Disyembre 22 2025.
Hinuon gitugotan sa korte ang dinakpan nga maka pyansa sa kantidad nga Php200,000.00 alang sa iyang temporaryong kagawasan. Sa karon ang dinakpan tanggong na sa Dinas Municipal Police Station alang sa tukmang lakang.
Photo Courtesy: India Today
