Samaran ang usa ka indibiwal samtang ang usa nakaikyas human kini gipusil sa riding in tandem suspects sa Purok 2, Barangay Tipange, Dimataling, Zamboanga del Sur, kagabie, Enero 8, 2026.
Ang mga biktima gikalambigitan sa 21-anyos nga lalaki ug 27-anyos nga lalaking mananagat parehong residente sa Pitogo, Zamboanga del Sur. Samtang wala pa nailhan ang mga suspetsado.
Subay sa taho sa kapulisan, samtang ang mga biktima sakay sa usa ka red RUSI 125 nga motorsiklo kalit sila nga gi-atangan sa duha ka mga suspetsado dayon pusil sa mga biktima.
Naka-angkon ug samad igo sa pinusilan sa walang kamot ang 21-anyos nga biktima, samtang ang laing usa ka kauban niini wala naigo, hinungdan nakahimo kini sa pagdagan ug nakapangayo ug tabang sa duol nga barangay officials.
Ang nasamdan nga biktima unang gidala ngadto sa Dimataling Rural Health Unit nga gibalhin usab dayon sa Margosatubig Regional Hospital alang sa dugang nga medical nga atensyon.
Naglusad usab dayon ang Dimataling Municipal Police Station ug hot pursuit operation aron maila ang mga suspetsado nga misibat human sa hitabo.
Photo Courtesy: India Today
