Usa ka IT company sa Tokyo nga ginganlan Ferray ang nagpatuman og talagsaong paagi sa pagpaubos sa stress sa trabaho pinaagi sa pagtugot sa mga empleyado nga magdala og iring sa opisina.
Sugod pa niadtong 2000, karon adunay siyam ka mga iring nga libre nga naglibot sa opisina—nagtulog, nagkaon, ug nagpakalma sa kahimtangan sa mga trabahante. Matod sa mga empleyado, dako ang tabang sa presensya sa mga iring sa pagpahupay sa tensiyon ug kakapoy.
Ang tag-iya sa kompanya nagahatag pa gani og kada bulan nga insentibo sa mga mosagop og iring. Samtang adunay gamay’ng disgrasya sama sa pagkaputol sa tawag kung matumban sa iring ang kompyuter, nagpadayon gihapon ang programa isip ehemplo sa bag-ong pamaagi sa kaayohan sa mga trabahante sa Japan.
Photo Courtesy: TOP10s
