Suportado ni Agriculture Secretary Francisco Tiu Laurel Jr. ang sugyot ni Albay 3rd District Representative Adrian Salceda nga House Bill 2260, nga nagtinguha nga mas palig-onon ug pauswagon ang implementasyon sa Coconut Farmers and Industry Trust Fund Act o mas nailhan nga coco levy fund law.
Sumala sa Department of Agriculture, ang maong sugyot balaudnon nagtumong nga mapalig-on ang kasamtangang mekanismo sa pagpatuman sa coco levy law, lakip na ang pagpasayon ug pagpa-paspas sa proseso sa pagpagawas sa pondo alang sa kaayohan sa mga tag-iya ug kalubihan sa tibuok nasod.
Sa iyang pahayag, gihangyo niya ang Kongreso nga paspasan ang pagpasa ug pagpalig-on sa House Bill 2260 aron dili masayang ang dakong kahigayunan nga makatabang sa coconut sector ilabi na karon nga misaka ang presyo sa lubi sa kalibutang merkado.
Matod pa ni Laurel, ang pagpasa sa maong sugyot makatabang nga mapahimuslan sa mga tag-iya ug kalubihan ang kasamtangang taas nga bili sa lubi, nga mahimong moresulta sa dugang kita ug mas lig-on nga panginabuhian.
Photo courtesy:Adobe Stock
