Gideklara sa Malacañang isip Special (Non-Working) Day sa tibuok dakbayan sa Pagadian sa adlaw’ng lunes, Enero 19, 2026. Kini subay sa nakalatid sa Proclamation No. 1123 nga gipirmahan Acting Executive Secretary Ralph Recto sa pagtugot sa pangulo sa nasud.
Gihimo ang deklarasyon aron mahatagan ug kahigayunan ang mga lumulupyo sa Pagadian nga makasalmot sa pagsaulog sa Pasalamat Festival. Kini dungan na usab sa kapistahan sa Senior Sto. Niño nga pagahimoon gikan sa Enero 12 hangtod sa Enero 19, 2026.
Katuyuan sa proklamasyon aron mapadali ang pagsalmot sa publiko sa kapistahan gumikan walay makabalda nga trabaho ug klase. Gipagawas ang proklamasyon ni Ralph G. Recto, Acting Executive Secretary, nga pinirmahan niadtong Disyembre 23, 2025 sa Maynila.
