Napildi si Venus Williams sa iyang unang singles match sa 2026 sa WTA Tour sa Auckland, apan nagpabilin nga lig-on ug kompetitibo batok sa fifth-seeded nga si Magda Linette, 6-4, 4-6, 6-2.
Sa edad 45-anyos, gipakita niya ang determinasyon ug kahimsog sa lawas, nakaserve og pito ka aces, ug nagpakita og kusog sa forehand ug backhand. Bisan pa sa kapildihan, kini naghatag kaniya og kumpiyansa sa Hobart International ug Australian Open, diin makaduwa siya pinaagi sa wildcard entries.
Kini ang unang singles match niya sukad sa U.S. Open 2025, ug sa tibuok tuig 2025, nakaduwa lamang siya sa tulo ka tournaments, lakip ang iyang pagkadaog batok kay Peyton Stearns, nga nahimong ikaduhang pinaka edraran nga babaye nga nakadaog sa WTA Tour.
Sa doubles, napildi siya kauban si Elina Svitolina batok sa team nga sila Iva Jovic ug Alexandra Eala, apan nagpabilin ang iyang positibo nga panan-aw ug enjoy sa duwa bisan sa edad 45-anyos.
Photo Courtesy: ABC News
