Andam na si Kai Sotto sa iyang pagbalik sa Gilas Pilipinas human sa halos usa ka tuig nga wala makadula tungod sa ACL injury nga iyang naangkon.
Tungod kay wala siya naapil sa 2026 Japan B. League All-Star Game nga ipahigayon sa Nagasaki, mas nakahatag kini kaniya og igo nga panahon aron makapokus sa ensayo ug pag-andam alang sa nasyonal nga koponan.
Sumala kang Gilas head coach Tim Cone, importante kaayo ang papel ni Sotto sa koponan, ilabi na sa duha ka crucial nga duwa sa bulan sa Pebrero alang sa FIBA World Cup Asian Qualifiers.
Makig-atubang ang Gilas Pilipinas batok sa New Zealand sa Pebrero 26, ug batok sa Australia sa Marso 1, nga parehong ipahigayon sa Mall of Asia (MOA) Arena.
Gilauman nga ang pagbalik ni Kai Sotto makahatag og dakong tabang ug dugang-kusog sa Gilas Pilipinas sa ilang kampanya sa umaabot nga mga international games.
Photo Courtesy: PHILSTAR.COM
