Arestado ang usa ka bagger sa usa ka iladong mall sa Barangay Mabolo, Cebu City human kini masakpi nga nangawat og usa ka kahon sa condom niadtong nakalabay nga adlaw.
Giila sa Mabolo Police Station 4 ang suspek nga si Jason Arganza Jumarito, 23-anyos, residente sa Sitio Panagdait, Barangay Kasambagan, Cebu City.
Base sa police report, gikuha ni Jumarito ang usa ka pack sa branded nga condom nga adunay kantidad nga ₱387.75 ug gitago kini sa iyang pantalon. Nasakpan siya atol sa routine frisking inspection samtang migawas sa tindahan nga wala mabayri ang maong item.
Gidakop dayon siya sa security guard ug gipaabot sa kapulisan. Sa iyang depensa, mitug-an si Jumarito nga nakahimo siya sa pagpangawat tungod sa curiosity, ug gusto lang daw niyang sulayan og gamit ang condom.
Gitakdang pasakaan si Jumarito og kaso nga qualified theft ug karon kasamtangang gidetener sa custodial facility sa Mabolo Police Station 4.
Photo Courtesy: BRN
