Mipalit ang usa ka Japanese buyer og bluefin tuna sa kantidad nga $3.2 milyon, nga mao na ang pinakamahal nga presyo nga nabayran alang sa maong isda sa kasaysayan.
Nahitabo ang transaksyon atol sa usa ka prestihiyosong auction sa Japan, nga kasagaran ginatan-aw isip timailhan sa kahimtang sa industriya sa tuna.
Sumala sa mga eksperto, ang rekord sa pagpalit, nagpakita nga naghinay-hinay na og kabawi ang populasyon sa bluefin tuna, nga hapit na mawala tungod sa sobra nga pagpangisda.
Dugang pa niini, ang pagtaas sa supply ug mas istriktong regulasyon sa pangisda giila nga hinungdan sa mas maayong kahimtangan.
Gibutyag usab sa mga eksperto nga ang taas nga presyo sa tuna dili lang simbolo sa kalidad ug kadako sa isda, kundili usab nagpasabot sa pagsalig sa merkado nga magpadayon ang kalig-on sa tuna stocks sa umaabot.
Para sa industriya sa isda ug sa mga konsumidor, ang maong kalamboan ginatan-aw isip positibong balita alang sa kalikupan ug sa ekonomiya.
Photo Courtesy: Times of India
