Dili masukod ang nabati sa 10 ka “friends rescued” nga daw sama sa naibtan og tunok, human gitunolan sila sa Department of Social Welfare and Development (DSWD) og mga livelihood assistance aron matabangan silang makabalik sa normal ug malinawong kinabuhi sa Tagum City, probinsya sa Davao del Norte.
Nakadawat og cash assistance ang lima niini samtang laing lima ang gipailalom sa profiling ubos sa Sustainable Livelihood Program.
Gihimo ang maong aktibidad sa Provincial Capitol sa Barangay Mankilam ning dakbayan sa Tagum. Dugang pa niini, tumong sumala pa sa DSWD sa maong programa, nga makahatag og alternatibong panginabuhian ug suporta aron malikayan nga ang ilang pagbalik sa armadong pakigbisog.
Gipangunahan ang turnover ni DSWD Project Development Officer II Jennylyn Anquera, uban ang partisipasyon sa 89th Infantry MAKATAO Battalion sa Philippine Army ug mga personnel.
