Ipahigayon sa Pilipinas ang La Union International Pro, ang unang Longboard International qualifying event, sa Enero 20 hangtod 24 sa Urbiztondo Beach, San Juan, La Union.
Ang torneo, nga gilauman nga makadani sa usa sa pinakadako nga international nga field sa World Surf League (WSL) longboard events, maghatag og upat ka slots sa 2026 WSL Longboard Tour.
Sumala kang WSL Longboard Tour Director Will Hayden-Smith, ang bag-ong format naghatag daghang oportunidad sa longboarders gikan sa tanan nga WSL regions.
Gipahayag ni PSC Chairperson Patrick Gregorio ang kalipay sa pag-ipahigayon sa event, nga magtapok sa pinakamaayo nga longboarders sa kalibutan, lalaki ug babaye, sa Monalisa Point, San Juan. Matod niya, andam ang mga Filipino surfers nga ipakita ang ilang world-class skill ug homegrown heart sa ilang mga balod.
Ang torneo bukas sa tanang WSL LQS surfers globally, gamit ang seeding formula base sa Challenger Series, ug gilauman nga makahatag og maayong oportunidad sa Filipino surfers sa La Union, nga kilala sa lig-on nga longboarding culture ug perfect nga balod para sa kompetisyon.
Photo Courtesy: Apple
