Gituman ni Paolo Contis ang iyang saad ngadto sa mga anak nga sina Xonia ug Xalene nga mobalik sa Cebu atol sa holidays.
Human sa Pasko, milupad dayon siya pa-Cebu aron makauban ang mga bata ug ang mag-asawang Lian Paz ug John Cabahug, nga nagpakita nga prioridad gihapon niya ang pamilya.
Sumala kang Paolo, nibalik usab siya dayon sa Manila sa wala pa ang Bag-ong Tuig aron makauban ang iyang mama. Bisan pa nga adunay plano nga magkita sila sa higala may kalabotan sa MMFF, wala kini matuman tungod kay pipila ka adlaw usab siyang nagpabilin sa Cebu.
Giingon ni Paolo nga usa na sila ka “modern” o “blended family” diin ang sentro sa ilang panag-uban mao gyud ang kaayohan ug kalipay sa mga bata.
Nanghinaot usab siya nga maabot ang parehas nga kahimtangan sa iyang relasyon kang LJ Reyes alang sa ilang anak nga si Summer, nga dako kaayo iyang kamingaw.
Photo courtesy: Philstar
