Mas ubos ang gidaghanon sa mga negosyo nga nagparehistro ug nagpa-renew sa Department of Trade and Industry (DTI) sa 2025, diin mikunhod og 4.27 porsiyento ang kinatibuk-ang rehistrasyon ngadto sa 1.02 milyon, sumala sa preliminary data sa pagtapos sa tuig.
Base sa mga datus nga gikan sa Business Name Registration System (BNRS) portal sa Department ofTrade and Industry (DTI) hangtod Disyembre 23, 2025 milapas sa usa ka milyon ang gidaghanon sa mga nagprehistro sulod sa nagsunod nga duha katuig itandi sa 1.06 milyon nga natala sa tibuok tuig sa 2024.
Ang gidaghanon sa mga nagparehistro niabot sa 984,330 sa 2023 ug 937,423 sa 2022.
Ang bulan sa Disyembre maoy nakarekord sa labing ubos nga gidaghanon sa mga nagparehistro tali sa tanang bulan, nga miabot sa 37,121.
Bisan pa niini, gilauman nga mosaka pa ang maong gidaghanon tungod kay wala pa maapil ang datos gikan sa katapusang semana sa tuig.
