Nabalaka ang direktor nga si Jun Robles Lana bahin sa pagsaka sa presyo sa sinehan sa 51st Metro Manila Film Festival (MMFF), nga ingon niya nakahatag ug epekto sa pagtan-aw sa mga pamilyang pilipino.
Sa iyang post sa social media, iyang giingon nga ang MMFF sauna alang sa ordinaryong trabahante ug pamilya, apan karon, moabot na daw sa Php 1,500 ang gasto sa usa ka pamilya para sa upat ka miyembro, walay apil ang pamasahe ug pagkaon.
Base sa listahan sa presyo sa sinehan sa NCR, nagkalainlain ang MMFF tickets gikan sa Php360 hangtod Php670 depende pa sa sinehan ug klase sa lingkoranan. Sa probinsya, moabot kini nga Php295 pataas.
Giingon ni Lana nga sa ingon ani nga kahimtang, nagakahimo na lang nga “pribilehiyo” ang pagtan-aw sa sine ug mawala na ang espiritu sa “people’s festival.”
Photo Courtesy:Festival Scope Pro
