Gipasabot sa kadumalahan sa City Planning and Development Office (CPDO) sa syudad sa Iligan ang kalabot sa mga programa sa ilang buhatan, pinaagi sa pagpanguna ni Environmental Planner Elsa M. Maquiling, CPDO Coordinator.
Kini iyang gipadayag atol sa ekslusibong pakighinabi sa Juander Radyo News Team, diin matod pa niya, ang programming mao ang listahan sa mga prayoridad nga programa ug proyekto nga giila sa City Development Plan nga maoy unahon nga ipatuman sa Local Government Unit, kung kini mabudgetan sa Annual Investment Program.
Gidugang usab ni Maquiling nga sakop sa gimbuhaton sa CPDO ang monitoring ug evaluation, diin ilang gilantaw kon ang mga proyekto nga giimplementar kung natuman ba sa hustong oras ug subay sa plano.
Sumala pa, maoy kini ang hulma sa development process sa City Planning and Development Office, nga gibuhat sa mga kawani sa buhatan sa ilang adlaw-adlaw nga pag-alagad sa mga katawhan sa syudad sa Iligan.
