Nag-init ang diskusyon online, human gisuta ang usa ka kaso sa Brazil diin gitaho nga gihulat sa kapulisan nga makaabot og 18-anyos ang usa ka giingong kawatan ug didto pa nila gidakop, sa mismong adlaw sa iyang birthday.
Sumala sa awtoridad, gituyo ang pag-aresto tungod sa pamaagi sa balaod sa Brazil nga lahi ang pagtratar sa mga menor de edad ug sa legal nga mga hamtong.
Ang mga krimen nga nabuhat sa wala pa mo 18-anyos kasagaran mosulod sa juvenile justice system nga nakapokus sa rehabilitasyon ug pagbag-o sa kabatan-onan.
Apan kung mahamtong na ang usa ka tawo, mahimo na siyang pasakaan og kaso ilawom sa adult criminal code nga mas bug-at ang silot ug posibleng mas taas ang proseso sa prisohan.
Gipasabot sa mga opisyal nga dugay na nga ilalom sa imbestigasyon ang suspek, ug ang paghulat hangtod siya mahimong legal nga hamtong nagpasabot nga ang kaso direkta na sa adult court system.
Tungod niini, nabahin ang opinyon sa publiko, uban misuporta sa desisyon isip pamaagi sa mas hugot nga liability, samtang ang uban misaway nga murag tinuyo ang timing sa pagdakop.
Courtesy:Ignite Your Mind
