Mokabat sa 41 ka kaso sa Fireworks-Related Injuries o FWRI ang natala sa SOCCSKSARGEN Region gikan Disyembre 21, 2025 hangtod Enero 1, 2026 base sa pinakaulahing surveillance report sa DOH 12.
Naglakip kini sa 10 ka bag-ong kaso nga natala sa katapusang adlaw sa pagmonitor. Matod sa ahensya, mas niubos kini sa 51% kumpara sa 84 ka kaso nga narekord sa pareho nga panahon sa tuig 2024.
Diin ang tanang nga mga insidente tungod kini sa pabuto, samtang wala usab natalang kaso sa fireworks ingestion ug saag nga bala.
Sa kinatibuk-an, siyam ang nasamdan sa mata, usa ang naputlan sa tudlo ug usa ang nawad-an og pandungog.
Diin ang labing bata nga biktima 2-anyos, samtang ang labing tigulang 78-anyos. Mas daghan ang mga lalaki nga biktima nga adunay 37 ka kaso, itandi sa upat ka babaye.
Labing daghang kaso ang natala sa South Cotabato nga adunay 18, gisundan sa North Cotabato nga adunay 12, Sultan Kudarat nga adunay unom, samtang sa Sarangani nga adunay tulo, ug General Santos City nga adunay duha.
Ang mga nag-unang klase sa mga pabuto nga nalambigit sa mga insidente naglakip sa 5-Star nga adunay 11 ka mga kaso, walo usab sa Kwitis, samtang sa Triangle nga adunay unom, ang Boga adunay upat, ug Sparkler nga adunay duha ka mga kaso.
Coutesy:INQ
