Maayo nga balita alang sa katawhan sa Caraga tungod kay wala’y bag-ong natala nga kaso sa kadaot tungod sa firecrackers-Related Injury nga naitala sa rehiyon sukad sa pagsugod sa Bag-ong Tuig, Enero 1, 2026.
Sumala sa datos gikan sa Department of Health (DOH) Caraga, wala’y nasamdan sa Agusan del Norte, Agusan del Sur, Surigao del Sur, ug sa Province of Dinagat Islands. Sa tibuok rehiyon, usa ra ka kaso ang naitala sa Surigao del Norte, apan kini dili bag-ong insidente.
Kini nga datos nagpamatuod sa usa ka malinawon ug hapsay nga pagsugod sa Bag-ong Tuig sa rehiyon, ug nagpakita sa paghatag og importansya sa mga Caraganon sa pagpangandam ug pag-amping sa panahon sa selebrasyon.
Photo courtesy: DOH-Caraga
