Nasunog ang pipila ka panapton nga gigamit sa Christmas Belen sulod sa usa ka chapel human kini masunog tungod sa kandila, Atol sa kasaulogan sa Bag-ong Tuig, sa Bernadette Village, Brgy. Luna, Surigao City, alas 5:24 sa buntag.
Sumala kang Fire Inspector Eduardo Quinto sa Bureau of Fire Protection (BFP), sa ilang monitoring sa tibuok adlaw sa pagsugat sa Bag-ong tuig naitala ang nasunog nga Christmas Belen sulod sa chapel apan dali ra kining napalong.
Matod pa ni Quinto, gituohang ang kandila nga gibutang duol sa dekorasyon maoy hinungdan sa pagkasunog sa panapton.
Sa ilang assessment walay natala nga dakong panghitabo nga hinungdan sa pabuto subay sa ilang paglibot sa area.
Padayon ang BFP sa paghatag og pahimangno ug pagmonitor sa mga lugar aron malikay sa fire incident ug manghinaot nga mahatagan sa kalamboan ang tuig 2026.
