Nagpahimangno ang Social Security System o SSS-Iligan City Branch sa mga empleyado nga kanunay susihon ang ilang contributions aron masiguro nga updated ang hulog sa employer ug sakto ang salary bracket base sa pinakabag-ong sweldo.
Matod ni Jose Roel J. Herbieto, Branch Manager sa SSS-Iligan, kung dili updated ang paghulog sa employer, posible nga maapektohan ang benepisyo sa empleyado sama sa sickness ug uban pang SSS benefits, ug mahimo silang disqualified.
Gipahibalo usab ni Herbieto nga kung mapamatud-an nga ang employer wala nagtuman sa ilang obligasyon, posible kini pasakaan ug kaso sa SSS, ug ang tanang benepisyo nga angay ihatag sa empleyado mahimong singlon sa SSS.
Gipasalamatan usab ni Herbieto ang mga employers nga regular nga nagbayad sa contributions sa ilang mga empleyado.
Sa laing bahin, gipahibalo sa SSS-Iligan nga available na ang SSS UMID Card pinaagi sa RCBC Bank, ug mahimo na kini maaplayan pinaagi sa online portal.
Photo courtesy to: SSS
