Nanawagan ang usa ka Nanay Mila Entina residendente sa Promise Land, Bolao, Iponan kang Kapitan, Vengie Reyes, kang Mayor Klarex Uy ug sa DPWH nga aksyonan na sa labing daling panahon ang mga putol ug wala mahuman nga flood control project sa kilid sa Iponan River tungod kay padayon gihapon silang nag antos sa baha kung dunay kusog nga ulan ug bagyo.
Sa Ekslusibong interview sa Juander Radyo Cagayan de Oro, gibutyag ni Nanay Mila nga 1990s pa sila sige og bakwit tungod sa taga hawak nga tubig nga mulapaw sa mga kabalayan gikan sa suba.
Kada tuig matod pa sila mabalaka ilabi na og adunay mga bagyo nga moabot, tungod kay basin makabakwit nasab sila.
Dugang niini nga hasol alang sa ilaha ang pagbakwit ilabi na nga aduna siyay mga apo ug mga kahayopan.
Photo courtesy: Philippine Anti-Corruption Czar
