Nanaygon ug nanghatag og pinaskuhan pang-noche buena si Cebu City Mayor Nestor Archival ug kaubanan, ngadto sa nagkadaiyang mga biktima sa kalamidad sa syudad niadtong bisperas sa pasko, Disyembe 24.
Lakip sa gidaygunan sa mayor mao ang mga biktima sa bagyong Tino niadtong miaging buwan, nga nagpabilin pa sa evacuation centers sa barangay Pit-os, Binaliw, Bacayan ug barangay Talamban. Gidaygunan sab sa Mayor ang mga fire victim sa barangay Sambag Dos.
Labihang kalipay ang gibati sa mga evacuees taliwa sa ilang gidangatan, dihang nipasundayag ang mayor sa iyang abilidad sa pagkanta ug pagsayaw nga personal nilang nasaksihan.
Sa pikas bahin, gipakompra niini ang labing minos nga 50 ka mga bata uban sa ilang mga ginikanan, aron dunay mahikay sa ilang tagsa-tagsa ka panimalay sa pagsugat sa pasko.
