Gibalibaran sa pipila ka pabrika sa China ang usa ka lalaki nga giila nga si Mr. Zhang bisan pa sa iyang kwalipikasyon, human kini mi-apply sa daghang trabaho apan wala dawata tungod sa porma sa iyang nawong nga square.
Mitabok si Zhang og kapin 600 ka milya o 900 kilometro gikan sa Zhumadian, Henan Province paingon sa Jiashan County, Zhejiang aron mangita og trabaho, uban sa tumong nga masuportahan ang iyang tigulang nga ginikanan.
Gisulti sa report nga daghan na siyang gisudlan nga trabaho ug kanunay nga nagpaningkamot isip breadwinner sa pamilya, apan gibalibaran siya sa kapin sa napulo ka electronics factories nga iyang giaplayan.
Gipasabot ni Zhang nga adunay mga tig-interbyu nga diretsong miingon nga dili siya angay sa posisyon tungod sa iyang hitsura, butang nga nakahatag kaniya og dako nga kaulaw ug kasakit sa pagbati.
Gipakita sa maong insidente ang isyu sa diskriminasyon sa hiring kon diin ang pisikal nga panagway nahimong basihan imbes ang abilidad ug kahibalo sa aplikante.
Gipasabot sa mga human rights advocates nga ang maong kalihukan makapaluya sa dignidad sa mga trabahante ug nagpahinumdom sa mga kompanya nga unahon ang kahanas, pamatasan, ug kontribusyon sa empleyado kaysa panagway.
Courtesy to: Rudz Tv
