Gipasabot ni Police Regional Office 10 Spokesperson PMaj. Joan Navarro nga walay kuwestiyon pag-abot sa training sa mga bag-ong pulis og nagtuo ang kapulisan nga pinaagi niini mabansay og ma disiplina ang mga pulis.
Apan, aminado si Major Navarro nga luyo niini, aduna gihapoy mga pulis nga nasalaag og nalambigit sa daotang binuhatan susama sa pagpanulis, pagpamaligya og shabu ug pag pangilkil.
Matod pa ni Navarro nga tawo ra gihapon ang mga pulis nga matintal apan gihingusgan niya nga kung ipatigbabaw lang permi sa matag pulis ang tumong nganong nisulod sila sa pagka pulis, malikayan nila nga matintal sa daotang binuhatan.
Hinuon gipunto ni Navarro nga pipila raman ka mga pulis ang nalambigit sa iligal nga mga buhat ug pangunang tumong sa mga kapulisan ang tarong sa ilang pag panerbisyo.
Photo courtesy to: Police Regional Office 10
