Mainiton nga gi welcome sa Butuan City Police Station 1, sulod sa maa-limuot nga bilangguan, ang taga Cagayan nga ning dayo sa Butuan, para ipang hanyag ang iyang Negosyo nga drugang shabu.
Giila ang suspek nga si Tito John Chua alyas “NITOY, 36-anyos, ulitawo, walay trabaho nga taga, Adelfa Extension, Ilaya, Barangay Carmen, Cagayan De Oro City.
Subay sa nakuhang report, dako pa ang kalipay niini dihang dunay nag inquire sa iyang Negosyo, rason nga nagkasinabot sila nga mag abot sa Purok 1 Barangay Diego Silang, Butuan City, atol sa ilang transaction, gitunol sa suspek ang 2 ka gramong shabu nga nagkantidad og 13,600 pesos, apan dako nalang ang iyang kakurat, dihang ang iyang ka transaction ning tunol og 500 pesos isip buy-bust money, apan gi segundahan dayon kinig pusas, rason nga wala na kini ka-ikyas.
Sa karon dako, ang pagmahay sa maong suspetsado, tungod ulahi na niyang nasayran nga pulis ang nag inquire sa iyang negosyong shabu.
Sa karon ang suspek, himas rehas, sa maalimuot nga bilangguan, samtang mag atubang sa kasong R.A 9165 Comprehensive Dangerous Drug Act of 2002, isip usa ka (SLI) Street Level individual drug personality.
Photo Courtesy to: Papatams News Online
