Gipahigayon sa Department of Agriculture–Regional Field Office 10 (DA-RFO 10) kauban ang Provincial Government sa Lanao del Norte ang Provincial Rice Technology Forum aron mapalapdan ang paggamit sa hybrid rice ug mapalambo ang produksyon sa humay sa probinsya.
Natigayon ang kalihukan sa Barangay Poblacion, Tubod, Lanao del Norte, ug gitambongan sa mga mag-uuma gikan sa nagkalain-laing lungsod ug mga partner seed companies.
Tumong sa panagtigom nga mapalapdan ang kahibalo sa mga mag-uuma mahitungod sa hybrid rice technologies, mapauswag ang ani, ug matabangan sila sa hustong pagpili sa binhi ug sakto nga crop management.
Gipaila usab ang nagkalain-laing hybrid rice varieties ug mga technology package, lakip ang husto nga paggamit sa abono ug uban pang production inputs aron mapataas ang ani sa humay.
Ang maong forum nagsilbi isip plataporma sa pagpaambit sa teknolohiya ug edukasyon sa mga mag-uuma, nga gilaumang makadugang sa ani ug makapaayo sa produksyon sa humay sa tibuok probinsya.
Photo courtesy to: DA
