Nagpula nga sama sa “dagat sa dugo” ang baybayon sa Hormuz Island sa Iran human sa kusog nga ulan nga mihugot sa pulang yuta padulong sa dagat, hinungdan nga nahimong hayag ang pula nga kolor sa tubig.Ang maong lugar nailhan isip “Red Beach” tungod sa taas nga konsentrasyon sa iron oxide–rich soil nga makita sa isla.
Sa maong higayona, gi-anod sa ulan ang pulang yuta gikan sa mga pangpang ug bakilid paingon sa baybayon, nga maoy hinungdan nga nahimong blood-red ang dagat. Sumala sa mga report, ang talagsaong panghitabo dali nga mikaylap sa internet, diin daghang turista ug lokal ang nagshare og mga litrato ug video sa pulang dagat.
Dugay nang nailhan ang Hormuz Island sa iyang mabulukon nga geological formations ug sa gitawag nga “gelak,” usa ka pulang yuta nga gigamit sa paghimo og pigment, cosmetics, ug tradisyonal nga mga produkto.
Bisan pa man makalilisang kining lantawon, ug gipatin-aw sa mga eksperto nga natural nga proseso kini ug dili timailhan sa polusyon o bisan unsang kalamidad. Ang iron oxide o hematite sa yuta mao ang hinungdan sa talagsaong kolor, nga mas makita ilabina kung adunay kusog nga ulan.
Sa pagkakaron, padayon nga usa ka turistang atraksyon ang Red Beach, labi na alang sa mga photographer, ug mas nailhan pa kini tungod sa bag-ong panghitabo.
Ang Hormuz Island, nga nahimutang sa Strait of Hormuz, usa sa pinakasikat nga destinasyon sa Iran alang sa mga mahiligon sa talagsaon nga talan-awon ug natural wonders.
Photo courtesy : Geology In
