Malipayon nga gidawat sa mga mag-uuma sa lungsod sa Kapalong Davao del Norte ang bag-ong sistema sa panguma aron mas dugang pa silang matabangan ug mapalambo ang ilang kahusayan sa postharvest.
Gitunol kanila ang usa pa ka Rice Processing System II nga naglangkob og multi-stage rice mill nga nagkantidad og ₱54.71 milyon ubos sa Rice Competitiveness Enhancement Fund (RCEF) Mechanization Program sa Philippine Center for Postharvest Development and Mechanization (PHilMech) niadtong nakalabay nga adlaw.
Dungan sa pagturn-over, gipahigayon usab ang groundbreaking ceremony alang sa pagtukod sa duha ka Drying System I units, nga adunay upat ka unod nga tig-6 tonelada ang kapasidad matag batch ug kompleto sa shed infrastructure, nga nagkantidad og ₱22.7 milyon.
Sumala pa, ang maong mga makabag-ong ekipo makatabang nga mapaubos ang gasto sa mga mag-uuma sa produksyon samtang makapataas sa ilang income.
Photo Courtesy : Kapalong Info Center
